Tin diferente tipo di premionan:

  • premionan instantaneo, por ehempel: bo a gana un Softdrink di Burger King. Bo tin cu presenta y entrega bo tapadera ganador hunto cu bo mensaje SMS pa reclama bo premio, dentro di un siman cu bo a ricibi e mensaje.
  • premionan di descuento, por ehempel: bo a gana un descuento na Sport Caribe. Bo tin cu presenta y entrega bo tapadera ganador hunto cu bo mensaje SMS pa reclama bo premio, dentro di un siman cu bo a ricibi e mensaje.
  • participacion den rifa, por ehempel: bo a gana un participacion den e rifa di e auto.Bo tin cu warda e tapadera ganador te ora cu e rifa ta tuma lugar. Bo NO tin cu warda e mensaje, cu e tapadera mes bo por gana e rifa! Cada 2 siman tin un rifa. Tropical Bottling Co. lo tuma contacto cu bo pa anuncia cu bo ta e ganador. MESTER por presenta e tapadera pa bira e ganador di e rifa!
 
 
 

Guia y reglanan:

  • Cumpra bo boternan di 20oz di Coca-Cola, Sprite, Diet Coke y Refresco Tropical cu tin e tapadera geel.
  • Manda e code bao di e tapadera como mensaje for di bo celular pa SMS 6565. Di biaha bo ta ricibi un mensaje bek cu informacion di bo premio.
  • Tur tapadera tin un premio, sea premio instantaneo, premio di descuento of participacion den e rifa.
  • Cada 2 siman tin un rifa diferente. E ganador ta wordo determina via un sorteo automatisa. E ganador mester cumpli cu e exigencianan cu ta pertenece na cada premio di rifa.
  • Tapadera cu e number ganador mester wordo presenta y entrega pa hanja bo premio. Pa descuentonan y premio instantaneo, e tapadera y e mensaje mester wordo presenta y entrega na e partners.
  • Mester reclama e premio di descuento y premio instantaneo dentro di un siman cu a ricibi e mensaje ganador.
  • Cada number bao di e tapadera ta valido pa un biaha so den e promocion.
  • Campaña ta core pa 10 siman, di 10 di augustus te cu 19 di oktober 2007.
  • Cada partner tin su mesun reglanan aplicabel riba nan oferta.
  • Ofertanan bao di e tapadera no ta valido en combinacion cu ningun otro oferta of productonan cu ya tin descuento.
  • Tanto clientenan di Setar como di Digicel por participa den e campanja.
  • Cada SMS cu bo manda ta costa Afl. 0,50.
  • Ganadornan mester ta residencia na Aruba.
  • Tropical Bottling Co., ni su partners no ta responsabel pa fayonan tecnico of no tecnico of otro tipo di dificultad cu telefon (di proveedornan di servicio di telefon of sistema di SMS) en coneccion cu e campaña aki.

 

Importanti: Bo mester warda e tapadera geel pa ricibi bo premio. Sin tapadera, no tin premio!

 

Reglanan y informacion adicional:

  • Pa e premio di rifa, e ganador ta wordo yama. E ganador mester por presenta su tapadera den 24 ora y mester cumpli cu diferente exigencianan cu ta partenece na cada premio di rifa, pa asina pa por ricibi su premio. Si esaki no ta sosode, lo saca un otro ganador.
  • Participando den e campaña aki, e ganador ta bai di acuerdo y ta duna permision di antemano, pa tanto su number como su potret lo bai sali den publicidad, relaciona cu promocionan di e rifanan. Alabes e ta bai di acuerdo pa duna su cooperacion pa promocion di e campaña na radio, television y medionan di comunicacion imprimi.
  • Pa premio instantaneo y premio di descuento, mester presenta e tapadera geel na e representante di benta prome cu haci compra.
  • Cada participante bao di 18 aña mester haña permiso di su mayornan pa participa. Tropical Bottling Co. no ta responsabel pa e participacion di e mucha of  e gastonan concerni pa manda mensaje.
  • Apesar di ta hacienda tur esfuerso pa sigura cu e campaña aki cana manera planea, por surgi circumstancianan despues cu e campaña a cuminsa cu por tin influencia riba e forma cu e campaña ta sigui.
  • E campaña lo no ta valido mas si e keda prohibit pa lei, of cu cualkier otro ‘force majeur’ e campaña por wordo cancela sin previo aviso.
  • Tropical Bottling Co., ni su partners no ta asumi responsabilidad, ni ta para garantia pa e exactidud di informacion relaciona cu e campaña, ni tampoco pa cambionan den e campaña, su reglanan, exigencianan y condicionan.
  • Tapaderanan geel no ta valido sin nan ta daña, of si e tapa tin fayo di imprenta.
  • No por pone Tropical Bottling Co. responsabel si su partners no cumpli cu nan compromisonan.
  • E campaña aki ta core tanten cu tin tapadera den stock.
  • Empleadonan di Tropical Bottling Co./Brouwerij Nacional Balashi y nan famia directo no por participa den e campaña aki.
  • Participantenan por ricibi un recordatorio via SMS pa spaar tapaderanan of un otro mensaje relaciona cu e campaña aki durante e campaña. E mensaje aki ta gratis.
  • Tropical Bottling Co. lo tuma decision final na momento di skohe e ganador. E decision di Tropical Bottling Co. ta definitivo.

 

NEXT PAGE